ميكيبوو

هي حد ولا زي اي حد ...! عن طيبتها وعن برأتها وعن روحها الحلوة وعن ادبها وعن تربيتها وعن حسن نيتها وعن ضحكتها ... ودي عايزة كتاب اكلم عنها فية ولا اقولك اقولك عن طبيعتها بقا

هي اجدع حد يعلمك انو اذاي تبقي متوجع ومجروح بس الضحكة مالية الصورة كلها

هي اشطر حد يعلمك اذاي تحب الخير للناس واذاي تقلق عل حد ممكن متكونش تعرفو اوي لمجرد انو ف ضيقة

هي احسن حد يخليك تنسي الدنيا ورخامتها وهمومها بخفة دمها

هي عيوبها !! عيوبها؟ كلنا فينا عيوب اكيد بس هي طبيعتها طابعة علي عيوبها الي هو اي بقا..؟ ياريت عندي عيوب زي بتاعتها كدة

هي صاحبة زي ما الكتاب بيقول....

• عايز جدعنة ؟مفيش اكتر منها .!
• عايز ادب ؟هي تعلمو لناس .!
• عايز راحة ؟دي احسن حد تحكيلو اي حاجة .!
• عايز أمانة ؟قولها سر وكأنك رميتو ف بير .!
• عايز ثقة ؟لو انااعمي هختارها هي تعديني الطريق .!

ياخي بيقولك الصديق وقت الضيق ! اول واحدة هتلاقيها مجرد ما تعرف انك في ضيقة

هي حد مريح بشكل مش طبيعي يمكن عشان نضيفة اوي من جواها يمكن عشان بتتعامل ب نية صافية دايما حقيقي مش عارف بس بلاقي نفسي بحكيلها اي حاجة حرفياً ومنغير تردد خالص

هي حد جدعة جداً ومش هنسالك الي عملتية دة كلو لما عرفتي ان مش عندي اكل في السكن